रौतहट १४ पुस ।
रौतहटको गौर नगरपालिकाले सञ्चालन गरेको ज्येष्ठ नागरिकलाई सम्मान सहित न्यानो कपडा वितरण क्रम जारी रहेको छ । नगर प्रमुख अजय कुमार गुप्ताले आज १९७ जना ज्येष्ठ नागरिकलाई सम्मान गरेका छन् । रौतहटको गौर नगरपालिका वडा न ६ स्थित सपगढामा बुधबार ज्येष्ठ नागरिकलाई न्यानो कपडा वितरण कार्यक्रमको आयोजना गरिएको थियो । सोमबार देखि सुरु भएको ज्येष्ठ नागरिकलाई सम्मान गर्ने कार्यक्रमलाई नगरप्रमुख गुप्ताले निरन्तरता दिएका छन् । सन्तानले आफ्नो आमा–बुवालाई वृद्ध अवश्थामा सम्मान गरोस भन्ने जनचेतना जागरण गर्न सो योजना सञ्चालन गरिएको नगरप्रमुख गुप्ताले बताएका छन् । सो सम्मान तथा वितरण कार्यक्रममा सबगढाका वडा अध्यक्ष शेख जमसेद , नगरपालिका निमित्त प्रमुख प्रशासकिय अधिकृत शुभाष ठाकुर , नगर–उप प्रमुख किरण ठाकुर लगायतका जनप्रतिनिधिहरुको उपस्थिता रहेको थियो ।
