रौतहट, १८ चैत ।
नेकपा एमाले रौतहटको आयोजनामा सोमवार बृहत मोटरसाइकल रैली सम्पन्न भएको छ।
मुलुकमा राजावादीहरुको गतिबिधि तिब्र रुपमा बढ्दै गएकोले गणतन्त्रको रक्षाको लागि नेकपा एमालेले रौतहटमा खबरदारी र्याली आयोजना गरेको हो। जिल्लाको मध्य भाग गरुडा स्थित श्रीराम सुगर मिल्सको प्राङ्गनबाट हजारौंको संख्यामा जिल्लाकै ऐतिहासमा पहिलोपटक एमालेको ऐतिहासिक निस्केको मोटरसाइकल र्याली राजाबादीको बिरोध र गणतन्त्रको पक्षमा नाराबाजी गर्दै २१ किलोमिटरको दूरी त्यगरि सदरमुकाम गौर पुगेर नगर परिक्रमा गरी मधेशी क्रान्ति वीपी चौक घन्टाघर अगाडि कोणसभामा परिणत भएको थियो ।
बृहत मोटरसाइकल र्याली कार्यक्रम सभामा सम्बोधन गर्दै नेकपा एमालेका रौतहट जिल्ला इन्चार्ज तथा केन्द्रीय सदस्य अजय कुमार गुप्ताले काठमाडौँको तिन कुने क्षेत्रमा भएको मानवीय क्षति राजाबादीको अराजकताको कारण भएको टिप्पणी गरे।
शहिदको बलिदानीको बलमा नेपालमा आएको संघीय लोकतान्त्रिक गणतन्त्रिक व्यवस्थालाइ रक्षा गर्न नेकपा एमाले हरदम तयार रहेको बताए। उनले गणतन्त्रको बिरुद्ध हिंसातात्मक गतिबिधि नगर्न राजाबादीहरुलाई चेतावनी समेत दिए। पत्रकारको जिउदै जलाएर हत्या गर्ने घटना निन्दनीय रहेको भन्दै तोडफोर हत्या आगजानी गर्ने कार्यमा संलग्न भएकाले सरकारले कडा भन्दा कडा कानुनी कार्यवाही गर्ने बताए।
कार्यक्रममा नेकपा एमालेका जिल्ला अध्यक्ष सचितानन्द साहले लोकतन्त्रको बिरुद्द हुने गतिबिधि बिरुद्ध नेकपा एमाले साशक्त भएर लाग्ने बताए। जनताले जुन राजालाइ फाली सकेको छ त्यो राजा फेरि आउने भनि दिवा सपना नदेख्न राजाबादीलाइ सुझाव दिए। संघियता र गणतन्त्रलाइ रक्षा गर्नको लागि सबै गणतन्त्रबादी शक्ति एक धिक्का हुनु पर्ने बेला आएकोले एक जुट हुनु आग्रह गरे।
मोटर साइकल रैलीमा नेकपा एमालेका बिभिन्न तहका नेता तथा कार्यकर्ताहरुको सहभागिता रहेको थियो।
