रौतहट २ भदौ ।
रौतहटको गुजरा नगरपालिकामा नमूना भवन निर्माणको काम धमाधम भइरहेको छ । सो नगरपालिकाको वडा नम्बर ९ स्थित रहेको श्री नमूना माध्यमिक विधालय सिमराभवानीपुरमा भवन निर्माणकाे काम भईरहेकाे छ ।
निर्माणाधीन भवनकाे गत मंगलवार गुजरा नगरपालिकाका नि.प्रमुख प्रशासकिय अधिकृत बिनाेद जयसवाल र शिक्षा शाखा प्रमुख शिवमंगल साहले अनुगमन तथा निरिक्षण गर्नु भएको छ । अनुगमनकाे क्रममा वहाँहरूले काममा गुणस्तरीयता कायम गर्न र समयमै काम सम्पन्न गर्न ठेकेदारलाई सुझाव दिनु भयाे ।
आर्थिक वर्ष २०७८/८९ काे कुल १ कराेड ५० बजेट बाट चार काेठे एक तले भवन निर्माण भईरहेकाे प्रमुख प्रशासिकय अधिकृत जयसवालले बताउनु भयाे ।
अधिकृत जयसवालले सामुदायिक विद्यालयको भाैतिक संरचना सुधार्ने उद्देश्यले एकेडेमिक बलककाे रूपमा काम अघि बढाइएकाे उनले बताए ।
जयसवालका अनुसार साे नमूना स्कुलका ४ कोठे भवन निर्माण भइरहेका छन् । अर्को भवन पनि निर्माण थाल्ने प्रक्रियामा छ।
नमुना विद्यालयका लागि संघीय सरकारको ससर्त अनुदानबाट बजेट व्यवस्थापन गरिएको जयसवालले बताए।
गुजरामा नमूना भवन निर्माणको काम धमाधम हुँदै,हाकिम जयसवालद्वारा अनुुगमन ।
