रौतहटमा जंगली हात्तीले पांच वटा घर भत्कायो ।

रौतहट,२७ भदौ ।

जंगली हात्तीले रौतहटको चन्द्रपुर नगरपालिका ६ मा पर्ने लमाहाको सुकुम्बासी बस्तीको पांच वटा घर भत्काई दिएको छ । सोमबार बिहान २ बजेको समयमा पुर्व पश्चिम राजमार्ग संगै रहेको सो सुकुम्बासी बस्तीमा दुई वटा हात्तीले घर भत्काईदिएको ईलाका प्रहरी कार्यालय चन्द्रनिगाहपुरले जनाएको छ । स्थानीय राम पहरी ,लक्ष्मण पहरी ,फुलमाया मगर ,अर्जुन पहरी र धनमाया पहरीको घर भत्काईदिएको हो । सांझ सात बजेको समयमा चन्द्रनिगाहपुर स्थित घना बस्तीमा छिरेको हात्तीलाई बस्ती बाट भगाउन चार घण्टा लागेको थियो ।