सर्लाही ८ भदौ ।
सर्लाही प्रहरीले नलकटुवा पेस्तोल र गोलीसहित मंगलबार दुई जनालाई पक्राउ गरेको छ । सर्लाहीको नयाँ रोडबाट बरहथवातर्फ जादै गरेको बिआर ३० जे–३०८० नम्बरको मोटरसाइकललाई चेकजाँच गर्ने क्रममा पेस्तोल र सो पेस्तोलमा प्रयोग हुने ३ राउन्ड गोली सहित बरामद भएको सर्लाही प्रहरीका प्रबक्ता माधव प्रसाद बुढाथोकीले जानकारी दिनु भयो । सर्लाहीको बरहथवा नगरपालिकाको वडा नम्बर ६ स्थित प्रहरी बिट नजिकबाट बागमती नगरपालिकाको वडा नम्बर ८ बस्ने अरुण लामा र अगबर अन्सारीलाई पक्राउ गरिएको सर्लाही प्रहरीले जनाएको छ । मोटरसाईकलको लेगार्डमा रहेको हरियो रंगको कपडाको झोलाबाट पेस्तोल र गोली बरामद भएको बुढाथोकीले बताउनु भयो ।
