रौतहट ११ असोज ।
रौतहट जिल्लाको मौलापुर नगरपालिकाले खरिद गरेको जग्गामा निर्माण भएको एक विद्यालयको उद्घाटन गरिएको छ । मौलापुर नगरपालिकाको वडा नम्बर ५ पतौरामा जग्गा खरिद गरि अद्भुतनाथ प्राथमिक विद्यलायको सोमबार नगर प्रमुख रिना कुमारी साहले नवनिर्मित भवनको समुद्घाटन गरि अध्ययन अध्यापन समेतको शुभारम्भ गरिएको छ । विद्यालय अभावका कारण लामो दुरीको यात्रा गर्नु पर्ने बाध्यात्मक परिस्थितीबाट मुक्त भएको स्थानियले बताएका छन । मौलापुर नगरपालिकामा विभिन्न संरचनाहरु निर्माण गर्नका लागी नगरपालिकाले जग्गा खरिद गरेको थियो । खरिद गरिएको सो जग्गाहरुमा आवश्यकताका आधारमा विद्यालय , अस्पताल , बर्थिङ सेन्टर , सभा हल , खेलकुद मैदान , बजारीकरण , उद्योग कलकारखाना लगायतका सार्वजनिक भवनहरु निर्माण गरिने नगर प्रमुख रिना कुमारी साहले जानकारी दिनु भयो । कार्यक्रममा नगर प्रमुख रिना कुमारी साह , उपप्रमुख गौरीशंकर साह , लगायत विभिन्न राजनितिक दलका नेताहरु , वडा अध्यक्ष बहिदार राउतसहित स्थानियको बाक्लो सहभागीता रहेको थियो ।
