रौतहट १७ असाेज ।
रौतहटको चादी खोलाले बगाउदा एक जनाको मृत्यु भएको छ । रौतहट जिल्लाको चन्द्रपुर नगरपालिका वडा नं ३ बरबोट घर भएका १४ बर्षिय सुकराम ठोकरको मृत्यु भएको हो । शनिबार साँझ गैटाटार बजार आएका ठोकर साँझ अन्दाजी ८ बजेको समयमा खोला तरेर घर जाने क्रममा चादी खोलाले बगाएको थियो । उनको शव तीन किलोमिटर तल खोलामा फेला परेको चन्द्रपुर ३ स्थानीय संचारकर्मी उपेन्द्र गोलेले रौतहट सन्देश डटकमले बताए ।
२ दिनदेखीको लगातारको बर्षाले चादी खोलामा आएको बाढीले ठोकरलाई बगाएको हो । शव फेला परेको स्थानमा ईलाका प्रहरी कार्यालय चन्द्रनिगाहपुरबाट प्रहरी टोली जादै गरेको डिएसपी लिलाराज लामिछानेले जानकारी दिए ।
