रौतहट २८ बैशाख ।
रौतहट जिल्लाको प्रमुख नगरपालिका गौर अब नयाँ राजनीतिक सम्भावनाको केन्द्र बन्दैछ । यही सन्दर्भमा, पूर्व नगर प्रमुख अजय गुप्ताकी धर्मपत्नी तथा समाजसेवामा सक्रिय व्यक्तित्व श्रीमती विमला गुप्तालाई गौर नगर प्रमुख पदमा उम्मेदवारी दिन स्थानीयले माग गरेका छन ।
विमला गुप्ता नामै काफी, स्वच्छ छवि, निर्भीक आवाज र समाजप्रतिको समर्पणले चिनिएकी विमला अहिले गौरका जनताबीच “परिवर्तनको आवाज” का रूपमा स्थापित हुँदै गएकी छन्।
उहाँलाई उम्मेदवारी घोषणा गर्न दवाव बढेपछि उनको भनाई सहयोगी मार्फत आएको छ, “गौर नगरलाई पारदर्शी, उत्तरदायी र जनमुखी बनाउनु मेरो मुख्य लक्ष्य हो। यो मेरो सपना मात्रै होइन, गौरवासीको अधिकार हो।”
पूर्व नगर प्रमुख अजय गुप्ताको सफल नेतृत्व अनुभव र विमला गुप्ताको सामाजिक सक्रियता गौरमा दिगो विकास र स्वच्छ प्रशासनको आधार बन्ने जनअपेक्षा बलियो हुँदै गएको छ।
विशेषगरी महिलाहरू, युवा तथा पेशागत समुदायहरूबीच उहाँप्रतिको समर्थन तीव्र रूपमा बढिरहेको देखिन्छ। राजनीतिक विश्लेषकहरू भन्छन्, “गौर अहिले विवेकशील नेतृत्व खोजिरहेको छ । विमला गुप्ता त्यसको सशक्त उत्तर हुन सक्नुहुन्छ।”
विकासको लागि दृढ इच्छाशक्ति, सेवाको भावना र जनसरोकारमा निष्ठा यिनै गुणले विमला गुप्तालाई गौरको लागि उपयुक्त विकल्प बनाएको छ।
अब गौरका मतदाताहरूले कस्तो निर्णय गर्छन् भन्ने कुरा चुनावले देखाउनेछ, तर एक कुरा स्पष्ट छ । गौरमा विमला गुप्ताको नामले नयाँ सम्भावनाको ढोका खोलिदिएको छ।
