रौतहट,०१ जेठ ।
रौतहटको गढीमाई नगरपालिका वडा नं २ स्थित स्वास्थ्य चौकी परिसरमा योगा तथा हेल्थ पार्क निर्माण कार्यको शिलान्यास नगर प्रमुख श्री श्याम प्रसाद यादवद्वारा एक विशेष समारोहबीच सम्पन्न भएको छ।
स्वास्थ्य प्रवर्द्धन तथा नागरिकहरूको शारीरिक तथा मानसिक स्वास्थ्य सुदृढ बनाउने उद्देश्यले निर्माण हुन लागेको उक्त पार्कले स्थानियवासीलाई नियमित योगाभ्यास तथा व्यायाम गर्न सहज हुने अपेक्षा गरिएको छ।
शिलान्यास कार्यक्रममा नगर प्रमुख यादवले समुदायको समग्र स्वास्थ्य सुधारमा यस्ता परियोजनाहरूको महत्वपूर्ण भूमिका हुने बताउँदै आगामी दिनमा पनि नगरपालिकाले जनस्वास्थ्यसम्बन्धी पूर्वाधार विकासमा जोड दिने प्रतिबद्धता व्यक्त गरे।
उक्त कार्यक्रममा वडाध्यक्ष, स्वास्थ्य चौकीका प्रतिनिधि, स्थानीय समाजसेवी तथा नागरिकहरूको उपस्थिति रहेको थियो।
नगरपालिकाको सहयोगमा निर्माण हुन लागेको योगा तथा हेल्थ पार्कको निर्माण कार्य चाँडै सम्पन्न गरिने र शीघ्र सञ्चालनमा ल्याइने जानकारी आयोजक पक्षले दिएको छ।
