प्रदेशमा विकासको नयाँ लहर: अर्थमन्त्री सुनिल कुमार यादवको आगमनसँगै आशाको किरण ।
रौतहट १६ जेष्ठ ।
अरबिन्द यादव ।
प्रदेश सरकारका अर्थमन्त्री सुनिल कुमार यादव (उर्फ जितेन्द्र यादव) को हालैको भ्रमणले स्थानीयवासीमा नयाँ उत्साह र विकासको आशा पैदा गरेको छ। मन्त्री यादवको आगमनसँगै विभिन्न पूर्वाधार परियोजनाहरूमा गति ल्याइएको छ, जसले समग्र प्रदेशको आर्थिक तथा सामाजिक विकासमा सकारात्मक प्रभाव पार्ने अपेक्षा गरिएको छ।
मन्त्री यादवले आफ्नो भ्रमणको क्रममा स्थानीय नेताहरू, व्यवसायी तथा सर्वसाधारणसँग छलफल गर्दै विकास योजनाहरूको अवलोकन गरे। उनले स्पष्ट शब्दमा भने, “विकास अब कागजमा होइन, जमिनमा देखिनेछ। हाम्रो लक्ष्य पारदर्शिता र जनताको प्रत्यक्ष लाभ हो।”
उनको आगमनसँगै केही ठूला आयोजनाहरूको घोषणा समेत गरिएको छ, जसमा ग्रामीण सडक सञ्जाल विस्तार, शिक्षा र स्वास्थ्य क्षेत्रमा पूर्वाधार विकास तथा कृषि क्षेत्रमा आधुनिक प्रविधिको प्रयोग समावेश छन्।
स्थानिय जनता मन्त्री यादवको क्रियाशीलता र प्रतिवद्धताबाट उत्साहित देखिएका छन्। एक स्थानीय बासिन्दाले भने, “हामीले पहिले जस्तो सस्तो आश्वासन होइन, काम देख्न थालेका छौं। उहाँले ल्याएको ऊर्जा साँच्चिकै सराहनीय छ।”
सुनिल कुमार यादवको यो भ्रमण केवल एक राजनीतिक कार्यक्रम मात्र नभई, विकासप्रति प्रतिबद्ध नेतृत्वको प्रतिबिम्ब बनेको छ।
