रौतहट २५ जेठ ।
रौतहटको राजदेवी नगरपालिका वडा नं. ६ मा अवस्थित माध्यमिक विद्यालय सेढवा मा विद्यालय आयुर्वेद तथा योग शिक्षा कार्यक्रम सम्पन्न भएको छ ।
उक्त कार्यक्रम राजदेवी नगरपालिकाको लक्ष्मीपुर बेलविछवा स्थित आयुर्वेद स्वास्थ्य संस्था रौतहटको आयोजनामा सम्पन्न भएको हो।
कार्यक्रमका सञ्चालक रौतहट लक्ष्मीपुर बेलविछवा आयुर्वेद इञ्चार्ज श्री श्याम सुन्दर राय रहनुभएको थियो।
कार्यक्रम अन्तर्गत विद्यार्थीहरूलाई आयुर्वेद तथा योगसम्बन्धी आधारभूत जानकारी, दैनिक योग अभ्यास, स्वस्थ जीवनशैलीका उपायहरू, र प्राकृतिक चिकित्सा विधिहरूको बारेमा प्रशिक्षण दिइएको थियो।
कार्यक्रममा विद्यालयका शिक्षक, विद्यार्थी, अभिभावक तथा स्थानिय समाजसेवीहरूको उपस्थिति रहेको थियो। सहभागीहरूले यस्तो शिक्षाले विद्यार्थीहरूमा स्वास्थ्यप्रति जागरूकता र सकारात्मक सोच विकास गर्न मद्दत गर्ने विश्वास व्यक्त गरेका छन्।
आयोजक संस्थाले आगामी दिनमा यस्ता कार्यक्रमलाई अन्य विद्यालयहरूमा पनि विस्तार गर्ने योजना बनाएको जनाएको छ।
